مــنـــتــــدى شــبــ الـمـرج الحره ــــاب

مــنـــتــــدى شــبــ الـمـرج الحره ــــاب

لــــــــــيـــــــــــبـــــــــــــــــــيـــــــــــــا حـــــــــــــــــــــــرة
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
جامعة بنغازى
كلية الاداب والعلوم المرج فرع جامعة بنغازى
المرج حى ال700
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط منتدى شباب حى ال700 المرج على موقع حفض الصفحات

قم بحفض و مشاطرة الرابط مــنـــتــــدى شــبــ الـمـرج الحره ــــاب على موقع حفض الصفحات
أفضل 10 أعضاء في هذا المنتدى
الشهاب
 
عماد امخاطره
 
Sergu BK
 
عبدالله بكار
 
كنده
 
Scent of roses
 
سالم المرجاوى
 
ميـــلـــود الحــاســـى
 
أميرة ليبيا
 
هيما
 
تصويت

شاطر | 
 

 مش عيب ياناس؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نوران

avatar

عدد المساهمات : 110
نقاط : 5446
المرج : 0
تاريخ التسجيل : 01/08/2010

مُساهمةموضوع: مش عيب ياناس؟   الثلاثاء يناير 04, 2011 9:15 pm

مش عيب لما الواحد يعزق الكناسة عالطريق وخصوصا لما يكونوا عمال النظافة منظفينها في الصبح؟
مش عيب لما الدولة توفرلنا المية وتدفع الملايين عشان تحليها وتخليها صالحة للشرب ونجوا نحن ونهدروا المية ونخلوها تصب في الشارع؟؟؟
مش عيب لما نربوا حيوانات قدام حواشينا زي الدجاج والحوالا والبقر والمعيز ونخلوها ترعى في الشارع وتاكل الأخضر واليابس وتاكل حتى الكناسة هذا غير الرائحة طبعا !!!!
مش عيب لما الحرس البلدي يشوف سيول المية المهدورة في الشوارع ويشوف الكناسة والحيوانات الي ترعى في الشارع عالكناسة وما ياخذش موقف وكأنه يقوللهم زيدوا !!!!!!!!!!
مش عيب لما الجار يبني عالثاني في بيوت مش مرخص فيها البناء عالدور الثاني، ويحجب الشمس والهواء عن جيرانه، وهذا غير اللي يقعدو ايتباعوا من الرواشن ويضايقوا جيرانهم؟؟؟؟
مش عيب الشباب اللي يلموا في الشلل قدام حواشينهم مع "التبييب" وتوليع المسجلات عالآخر غير مراعين لحرمة الناس والجيران؟!
مش عيب الناس اللي يشتغلوا في مؤسسات حكومية ويقعدوا يسرقوا في المواد بتاع الشغل ، من قراطسيات وأوراق وحبر وحتى البنينات والاقلام والبرايات !!!! وهذا غير ان اللي عنده حاجة يبي يصورها وحتى لو ما كانتش مهمة لكن لازم يستغل الفرصة لأن على حسب نظرته "مال سايب" !!!!!!!!
مش عيب لما الواحد يحطوه في منصب اداري معين وثاني يوم يجيب ملفات "ظنا عمه" كلهم ويعينهم وطبعا مش هامه المؤهلات ولا الشهادات أهم حاجة فرصة ويستغلها وطبعا بعدين حتكونله خدمة بمقابل!
مش عيب لما الدولة تتعاقد مع شركات كبيرة وشركات أجنبية عشان تعمرلنا مدينتنا اللي يـــــــــامــــــــا شكينا بأن مافيش حد مهتم بيها،ويجوا "أبناء الحلال" ويشفطوا فلوس تحت اسم "شطارة" عن طريق التحايل والتزوير وغيره ومش مهم طبعا اذا كان شغلهم بضمير او لا، فالشغل عندهم "دق وعدي" لكن فلوسهم لازم ياخذوها على داير مليم...
مش عيب لما نقعدوا نعطوا في صورة مش كويسة لمجتمعنا قدام الأجانب، اللي يخطم على واحد اجنبي لازم يعزق عليه حيطة ولما يخطموا على حواشين الأجانب يقعدوا يضربوا فيهن بالحيط، وحيه حيه لما يشوفوا أجنبيات ما نحكيلكمش على نظرات التحرش لدرجة ان الأجانب خافوا على زوجاتهم (وهذا موضوع أخر انشالله حنحكوا عليه قريب)، وطبعا العيال الصغار لما يسرحوا من المدرسة ويلقوا عمال اجانب يشتغلوا ضروري يعزقوا عليهم حيط، مش عارف ليش؟ ياترى ضغط نفسي؟ أو سؤ تربية؟ أو مشاهد العنف اللي يشوفوا فيها يومياً في الأخبار أثرن عليهم وأصبحوا محبين للعنف والشغب؟؟
مش عيب لما حد يشوف بنت متغطية من فوق لتحت و يفترسها بعيونه غير مراعي ان عنده أم وأخوات، والنظرات معش تفهمها هل هي نظرات وحش مفترس؟ ام هي نظرات فرح وانتصار حققهن لأن حس ان هو دار انجاز في الحياة وخصوصا اذا شاف تعابير الذعر على وجه الفتاة و حس روحه راجل لما خوف البنت ؟
مش عيب لما الواحد ما يراعيش اسرار العمل ويقعد يحكي في أسرار الموظفين، هذكي ملفه كذا وهذكي ياخذ في كذا كذا، هذا اذا كان في ادارة، والمحامي يحكي اسرار القضايا لزوجته والمحامية تحكي لأمها والصيدلانية تحكي عن اسرار المرضي هذكي خذا الدوا الفلاني معناها عنده هكي وهكي، والدكتورة تقول لأهلها اليوم جاني فلان وعالج عندي، عنده كذا كذا، وغيره وغيره وغيـــــــــــــــــــــــــره.
مش عيب القصقصة والفصفصة والتدخل في خصوصيات الناس، والأسئلة المحرجة وجميعها تصنف تحت قائمو انعدام الذوق العام!
مش عيب الغيبة والنميمة واللي ما يسمى ب"القرمة" مع أن الإسلام نهانا عنها، يعني تلقى الواحد أو الوحدة يصلي ويدعي وينزل فيها تقريم!!!!!!!!!!
مش عيب تغشيش الطلبة في الإمتحانات؟ وهذا يعودهم على الغش والتحايل في كل المجلات لما يلتحقوا بميادين الحياة فيما بعد!!
مش عيب لما الأخ والزوج يمنع أخته او زوجته من استخدام النقال او يمنعها من مشاهدة التلفزيون بينما هو يستخدم النقال عادي ويتفرج على التلفزيون عادي!!!!!!!!
مش عيب التصوير بالنقال لحرمات الناس ونشرها عالبلوتوثات! حتى أن مشاعر الناس تلبدت فعند حدوث أي مشكلة أو حادث يهرولون لا للمساعدة ولكن للتصوير!!!!!!!!!!!!!!!!!!
ومش عيب
ومش عيب
ومش عيب
ويستمر الحديث ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشهاب
ملازم اول
avatar

عدد المساهمات : 1129
نقاط : 7339
المرج : 3
تاريخ التسجيل : 26/02/2010

مُساهمةموضوع: رد: مش عيب ياناس؟   الثلاثاء يناير 04, 2011 9:36 pm

قلم سيال, أختنا نوران...

لله درك..

فقد وضعت يدك على الجرح,وتكلمتي عن ما يحاول الكثير التغافل عنه.

هذه المشكلات لها أسباب مختلفة متعددة.

لكن السبب الرئيس فيها هو انعدام الثقافة.

وأقصد هنا ثقافة الأدب والعلم.

قبل يوم كنت أزور في مريض في المركز الطبي في بنغازى اللي ايقولو عليه(1200).


مش أول مرة انجيه,لكن بجد ترى نظام في كل شئ.

ونحن عندنا مستشفى ربي يعلم بحاله,فتحوا الأسعاف بس,ووراء الأكمة ماوراءها!!!.

معقولة مستشفانا فيه طبيب تخدير واحد!!!.

مستشفى فيه 3 أطباء فقط متخصصين في أمراض النساء والولادة.

يعني وضع غاية في السوء والتردى.

بجد وضع مدينتنا محزن ومؤسف لدرجة كبيرة جدا.

شن الفرق بيننا وبين المدن الأخرى اللي ايسقموا فيها أهلها...

لافرق ...

ليس عندى ما أقول إلا لك الله يامرج...


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نوران

avatar

عدد المساهمات : 110
نقاط : 5446
المرج : 0
تاريخ التسجيل : 01/08/2010

مُساهمةموضوع: رد: مش عيب ياناس؟   الأربعاء يناير 05, 2011 10:59 pm

مشكور خويا الشهاب
بس انا عندي رجاء من المنتدي وهو ان الصورة اللي في الخلفية منعتنا من قراءة اغلبية النص
لذلك ياريت لو تنشال من الخلفية لأني ما عرفتش نقرا نص الكلام
ولك مني اجمل تحية ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشهاب
ملازم اول
avatar

عدد المساهمات : 1129
نقاط : 7339
المرج : 3
تاريخ التسجيل : 26/02/2010

مُساهمةموضوع: رد: مش عيب ياناس؟   الخميس يناير 06, 2011 8:18 pm

العفو أختنا الكريمة.

نعم الصورة يجب إزالتها.

لكن قومي بتظليل الكلام فسيظهر لك.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السراج المنير

avatar

عدد المساهمات : 39
نقاط : 4983
المرج : 0
تاريخ التسجيل : 15/01/2011
العمر : 35

مُساهمةموضوع: رد: مش عيب ياناس؟   الأحد يناير 16, 2011 10:36 am

السلام عليكم ورحمة الله وبركاته

أشكر أختنا الكريمة على ما اسمعتنا

ولا أحسبه إلا من باب (( من رأى منكم منكرا فاليغيره ... ))

فجزاها الله خيرا

وأضم صوتي إلى صوت أخي الكريم الشهاب وما أحسبه إلا شهابا صادقا وضاء

فأقول :

إنما الامم الأخلاق ما بقيت
فإن هموا ذهبت أخلاقهم ذهبوا

والمسلم من سلم المسلمون من لسانه ويده

وأظن أن الجميع يوافقني الرأي في أن الاسباب تتمثل في الاتي :

غياب الواعز الديني وشح الثقافة الإسلامية والبعد عن كتاب الله وسنة ورسوله

رفع الحياء والخجل والاحترام بيننا فلا الصغير يحترم الكبير ولا الكبير يستحي من شيبته

تعطيل دور القانون فأصبح حكم العرف هو السائد ومن كانت قبيلته قوية كان هو أسد الغابة

إسناد الامر لغير أهله وهذه مهمة المرابيع أثناء دورات التصعيد ( هذي قرعتي انحط فيها حتى حمار ) حشاكم الله

وهذا قليل من كثير وغيض من فيض

نسأل الله الهداية والثبات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مش عيب ياناس؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنـــتــــدى شــبــ الـمـرج الحره ــــاب :: قسم المواضيع العامه-
انتقل الى: